20 aniversario da catástrofe do Prestige

Este venres, 11 de novembro de 2022, o equipo ECOTOX participará nunha mesa redonda polo 20 aniversario da catástrofe do Prestige no Parador da Costa da Morte (Muxía).

O panel contará con investigadores de distintas disciplinas que nos achegarán aos impactos e pegadas que deixou o barco Prestige nos ecosistemas galegos, na nosa economía e na poboación local.

Tras a pausa café, unha segunda mesa redonda presentará experiencias e testemuños de primeira man de Iñaki Gabilondo, Mercedes Milá, Manolo Rivas e os actores sociais máis relevantes que interviñeron na catástrofe do Prestige, compartindo as súas experiencias dende as confrarías, servizos de protección civil, voluntarios, e outros.