Xeoportal

Esta páxina web é o punto de acceso público á Infraestrutura de Datos Espaciais (IDE) do Grupo de Ecotoxicoloxía da Universidade de Vigo, no que se publica información relacionada coa contaminación elaborada e recopilada polo grupo, principalmente nas costas galegas aínda que non exclusivamente. A información atópase dispoñible para a súa visualización, consulta e descarga a través da web, así como a través de calquera SIX de escritorio.

Os datos dispoñibles irán aumentando a medida que se vaia incorporando nova información ás bases de datos do grupo.

Actualmente os servizos dispoñibles son:

• Consultar e interactuar cos datos publicados polo grupo nun visor vía web sobre a ortofoto do PNOA (2007-2008), a capa OpenStreetMap ou a imaxe de Google Satellite.
• Acceder ó xeocatálogo de metadatos baseado en Geonetwork para buscar a información publicada polo grupo.
• Engadir servizos externos de mapas (WMS) doutras administracións ou produtores de cartografía dixital.
• Acceder ós datos do grupo a través de software SIX mediante os estándares WMS e WFS.
• Descargar a cartografía dixital en diversos formatos vectoriais (GML, KML e Shapefile).

O obxectivo principal do xeoportal do grupo é ser de utilidade para os usuarios que o empreguen, polo que será benvida calquera consulta ou suxerencia na dirección rbeiras@uvigo.es.

Os datos distribúense con licenza Creative Commons Attribution-NonCommercial-ShareAlike 3.0 Unported License.